Kreu i Partisë Demokristiane, Nard Ndoka ka deklaruar sot se opozita do heqë dorë nga mosbindja civile deri në votimin e vendeve anëtare të Këshillit të Evropës në muajin qershor për çeljen e negociatave.
Ndoka theksoi për mediat se Lulzim Basha dhe Edi Rama mund të shkojnë drejt një marrëveshjeje për çështje madhore siç është qeverisja e vendit.
“Marrëveshja duhet të jetë për gjëra madhore, siç është qeverisja.
Integrimi nuk është në dorën e Ramës e Bashës, por në vendimmarrjen politike të Bashkimit Evropian.
Nëse si opozitë kemi pasur një aksion të egër deri në mosbindjen civile, afati deri në vendimmarrjen politike të BE, do ta detyrojë opozitën të kthehet në politikën e vet institucionale.
Pavarësisht se është e rëndësishme me një maxhorancë të tillë, ku priten të plasin skandalet nga lufta e brendshme, opozita do ketë një mision tjetër. Duhet marrëveshje për të ardhmen politike të vendit, por edhe për qeverisjen e vendit”.
(E.L./Faxweb)
Discussion about this post