Ndoka: Protesta është e nevojshme, në vijim më të ashpra

Kreu i Partisë Demokristriane, Nard Ndoka ka folur në lidhje me situatën politike në vend.

Ai është shprehur se protesta e 8 shkurtit do ti bëjë bashkë të gjithë, të cilët ndodhen në terren për takimet me diasporën në kuadër të zgjedhjeve të Majit.

Në një intervistë per gazetarin Albi Rakip, në FaxNews ai është shprehur se protesta ishte e nevojshme duke parë zhvillimet e fundit në vend dhe kërkesën e qytetarëve.

“Jane të gjithe strukturat e partive opozitare sidomos te Partisë Demokratike në takime me diaspotën për ti dhënë dorën e fundit programit padiskutim që protesta ishte pjesë e agjendës. Në një kohë kur edhe zoti Berisha do të jetë në Gjermani më pas është në Itali dhe shumë deputëte të tjerë kanë patur komunikim me diasporës, ndaj protesta ishte e nevojshme. Është edhe kërkesa e qytetarëve që duhet një protestë e tillë, ne nuk kemi hequr dorë në asnjë moment nuk mund tja besojme këtij kryeministri zgjedhjet. Ne po bëjmë ç’ është e mundur për organizimin e zgjedhjeve një ndër to janë edhe protestat do të intensifikohen më shumë.

Është një vendimarrje e PD, por jemi disa parti politike që jemi në koalicion dhe aksion të përbashkët politik që ne e ndjejme që duhet të jemi sa më pranë opozitës,ky është sheshi i të gjithëve për çdo personazh, edhe për personazhet që bëjnë skuthin ndaj provave ulëritëse ndaj kryeministrit. Protestat ndajne edhe shapin nga sheqeri se ku duan që të japin kontributin secili, janë të domosdoshme. Vijimësia e protestave mund të ketë një ashpërsim më të madh”, është shprehur Ndoka.

Ndoka ka theksuar se deri më tani nuk ka një plan sesi do të zhvillohet protesta.

Ai ka folur edhe në lidhje me akuzat që ish zëvendes kryeministri Arben Ahmetaj ka bërë ndaj kryeministrit Edi Rama. Sipas tij keto pa diskutim kanë goditur nga ana morale e politike çdo qytetar sipas Ndokës një kryeministër i tillë nuk durohet.