Agron Deliu, ekspert i çështjeve të mjedisit ka qenë i ftuar sot në ‘’Fax News”. Ai ka ngritur alarmin në lidhje me ndotjen në vendin tonë.
Deliu u shpreh se vdekjet që vinë nga ndotja e mjedisit janë pesfish nga ato që ndodhin nga aksidentet, po nuk merren seriozisht.
‘’Ajo që është shqetësuese është se gjendja paraqitet në mënyrë ciklike, mbyllen disa gropa gëlqeresh dhe një ditë të bukur aktiviteti rinis nga e para. Ndotja e ajrit sjell kryesisht sëmundje me frymëmarrjen dhe me zemrën.
Ndotja nga furrat gëlqerore në zonën e Fushë-Krujës është në shifra alarmante. Fatkeqësisht në Shqipëri ndryshe nga vendet e BE-së ku synojmë që të shkojmë mjedisi nuk është në katër kollonat më të rëndësishme të zhvillimit të vendit.
Unë po e krahasoj Shqipërinë me qeverisjen e para dhjetë viteve, ku u dhanë shumë fonde në lidhje me matjen e ndotjes së ajrit, ndërsa tashmë mungon një vullnet i tillë.
Unë mendoj se këtu te ne punohet me objektiva afatshkurtër, dhe me aksione që nuk zgjasin në kohë”, u shpreh Deliu.
(E.K/FAXWEB)
