Deputetja e Partisë Demokratike Dhurata Çupi, ka reaguar lidhur me ngjarjen në Ksamil, ku rrugët dhe bregdeti u dotën me ujëra të zeza.
Çupi akuzon kryeministrin Edi Rama se ka investuar në këtë qytet me klientelë dhe me favorizime.
“Tollumbacja e bumit turistik shpërtheu në kulmin e sezonit turistik dhe në zonën më të frekuentuar të Shqipërisë. Faktet vërtetojnë se kjo qeveri e korruptuar, nga Kryeministri deri te kryetarët e tij të bashkive, investojnë me klientelë dhe me favorizime.”, reagon Çupi.
Ujërat e zeza që dolën në sipërfaqe si pasojë e plasjes së një tubi përveçse kanë ndotur detin kanë përmbytur dhe rrugët aty ku kanë shpërthyer një ditë më parë. Pamjet janë vërtetë shqetësuese për një vend si i yni i cili synon të tërheqë sa më shumë turist falë natyrës së bukur, ndërsa infrastruktura e dobët shkatërron gjithçka.
Sakaq, pas ngjarjes Inspektorati Shtetëror i Mjedisit dhe Pyjeve ka gjobitur Ndërmarrjen e Ujësjellës-Kalanizimeve pranë Bashkisë së Sarandës në masën e 5 milionë lekëve të vjetra.
REAGIMI I PLOTË I ÇUPIT
Kryeministri Turist
Tollumbacja e bumit turistik shpërtheu në kulmin e sezonit turistik dhe në zonën më të frekuentuar të Shqipërisë. Faktet vërtetojnë se kjo qeveri e korruptuar, nga Kryeministri deri te kryetarët e tij të bashkive, investojnë me klientelë dhe me favorizime.
Nuk ka si shpjegohet ndryshe investimi në Ksamil, që solli ndotjen e detit , dështimin e sezonit turistik në këtë zonë si për turistët dhe biznesin. Kjo është edhe arsyeja që renditemi pas Ruandës për cilësinë e investimeve. Turizmi nuk zhvillohet me fasada , palma , pedonale apo forma të tjera grimi. Turizmi zhvillohet me investime cilësore në Rrugë , ujesjellës-kanalizime apo vepra publike të tjera që rritin cilesinë e jetës.
Partia Demokratike me kohë i ka parashikuar këto rezultate të padëshiruara për turizmin e vendit tonë. I bëj thirrje Prokurorisë dhe organeve audituese të hetojnë çdo lek të buxhetit të shtetit të abuzuar në dëm të imazhit turistik të vendit. (D.D/Shuplaka)
Discussion about this post