Këshilli bashkiak i qytetit të Elbasanit është mbledhur për të diskutuar për situatën e ndotjes në disa zona të Elbasanit.
Këshilltari i PD-së në Bashki, Eugen Isaj ka thënë se ndotja në Elbasan është rritur.
Kryetari i Bashkisë, Qazim Sejdini ka fajësuar qeverinë se nuk ka reaguar dhe nuk ka ndërhyrë për të përmirësuar situatën.
Replikat e plota:
Isaj: Prej një muaj në Labinot mbeturinat e peshkut digjen nga kompania Rozafa duke e bërë të pabanueshëm. Ndërkohë një natë më parë zona e Bradasheshit mjaft e ndotur. Nuk ka pasur koordinim të mirë pasi situata është serioze.
Sejdini: Jemi dakord për situatën te metalurgjiku. Jemi në një proces gjyqësor me ferrokromin e vjetër.
Isaj: Rafineria e merr lejen mjedisore këtu ndërsa në Fier nuk e mori dot.
Sejdini: Rruga Elbasan-Tiranë na bëri shumë dëm
Sejdini: Konkurenca sjell ndotjen, duke sjelle probleme serioze. Reagimi është i dobët edhe i politikës
Këshilltari tjetër i djathtë, Blendi Himci: Janë përfshirë afera korruptive në blerjen e operatorëve industrial. Kemi ndotje nga rafineria e naftës. Janë pa leje mjedisore. Po humbim vlerat tona dhe po i kthehemi magazinat e Tiranës. Nuk vendosin filtra se e kam shkruar firma më lartë. Po rrisim fëmijët në këtë mjedis.
Himçi: Të dalim në protestë
Sejdini: Propozoj të mbyllet industria e rëndë deri sa të vendosen filtrate.
Eugen Isaj: Grupi i punës raporti është skandaloz. Citohet të sistemohen territoret pranë zonës pasi pretendohet që ndotja vjen nga automjetet. A thua që ndotja vjen nga mjetet dhe jo nga industria e rëndë.
(F.G/Faxweb.al)
