Ditën e sotme kryeministri Edi Rama ishte i pranishëm me të rinjtë e Lezhës, ku po shpërndan kartat e anëtarësisë për disa prej tyre.
I pranishëm në takimin me të rinjtë ishte dhe deputeti socialist, Pjerin Ndreu i cili ka recituar një poezi të Migjenit kushtuar të rinjve. Kryeministri Rama tha i emocionuar se një ish-polic reciton poezi.
Më tej Ndreu në fjalën e tij lëshoi dhe një batutë për Ministren e Kulturës Mirela Kumbaro, pasi kjo e fundit pak ditë më parë në një postim në Twitter, shkruante se nuk duhet bërë s*ks me ata që nuk kanë libra.
Ndreu: Kryeministri më thotë gjithmonë polic, se në fakt kështu jam njohur me të. Por për ta mbyll dua të tregojë një sekret, kryeministri nuk e di që unë në shtëpi kam një dhomë bibliotekë me romane me poezi. Do ja them edhe Mirelës, por po jam them kryeministrit njëherë. Dhe Lezha është një vend ku ka nxjerrë shumë pena, nga Gjergj Fishta. Unë desha të recitojë një pjesë nga himni i rinisë nga Migjeni.
“Rini thuaja këngës më të bukur që di, kumbi i zërit tënd përplaset në qiell, të kthejë prapë tek ne sepse hyjtë na kanë zili, e na të duam fort siç duam një diell”.
Rama: Mirëkuptoni emocionet e mia pasi një ish-polic reciton poezi. Më vjen jashtëzakonisht mirë që këtu sot jemi me forumin rinor eurosocialist të rilindur të Lezhës.
(M.Q/Faxweb.al)
