Ndryshe nga çdo e enjte, PD anulon mbledhjen tek çadra

Partia Demokratike ka anuluar mbledhjen e grupit parlamentar demokrat tek çadra e opozitës, e cila sot bën plot 90 ditë që është ngritur.

Ky është ndryshimi i parë që përfshin çadrën e opozitës pas marrëveshjes së arritur në mesnatë mes kryeministrit Edi Rama dhe kryedemokratit Lulzim Basha.

Anulimi i mbledhjes së grupit parlamentar, i cili mblidhej çdo të enjte tek çadra, mundet të ndiqet edhe nga mbyllja e çadrës së opozitës, plot tre muaj pas ngritjes së saj përballë Kryeministrisë. Por demokratët shprehen se nuk do ketë mbyllje të çadrës pa u zbardhur detajet e takimit.

Gjithashtu nuk do të ketë asnjë fjalim politik brenda saj, teksa pritet zbardhja e takimit kokë më kokë mes Ramës dhe Bashës.

(XH.A/SHUPLAKA)