Gjatë seancës së sotme plenare në Parlament, kryeministri Edi Rama më në fund ka pranuar një nga kushtet e opozitës për të hyrë në zgjedhje, që është aplikimi i “numërimit elektronik” të votave.
Pavarësisht se më përpara ai ka deklaruar se numërimi elektronik është gjë që s’bëhet, pas protestave të opozitës mesa duket ai ka ndërruar mendje.
“Numërimi elektronik është i mundur të bëhet. Patjetër që është i mundur dhe ne s’kemi asnjë problem. Por numërimin elektronik e kompenson qind për qind hapja e kutive sido që të vijë puna”, tha Rama nga foltorja e Kuvendit.
Megjithatë, përfaqësuesit e opozitës nuk ishin të pranishëm në seancën e sotme, për shkak të pjesëmarrjes në protestë. Por pavarësisht këtij lëshimi, Rama ka akuzuar opozitën se kanë hyrë në protest me qëllim që të bllokojnë Vettingun.
“KE ka thënë copë, Këshilli i Europës po ashtu, ‘vettingu, asnjë gjë tjetër’. Dhe nuk kanë thënë mbarojeni, por filloni vettingun.”, shtoi kryeministri. (D.D/Shuplaka)
