Përfaqësuesja e Lartë e Bashkimit Evropian për Politikë të Jashtme dhe Siguri, Fëederica Mogherini, ka nisur së fundmi turneun e saj në Ballkanin Perëndimor, për të cilin u tha se takimet do të kenë karakter të dyfishtë.
Bëhet e ditur për një ndryshim në axhendën e saj. Ndryshe nga sa ishte parashikuar, Mogherini nuk do ta vizitojë Kosovën më 3 mars, por një ditë më pas, në 4 mars.
Kryeqyteti kosovar do të jetë i fundit ku Mogherini do të ndalet përgjatë këtij turneu të saj. Sikundër bëhet e ditur në faqen zyrtare të BE-së, ajo do të vizitojë edhe qytetin e ndarë të Mitrovicës.
Gjatë vizitës zyrtare në Kosovë, ajo do të takohet me presidentin Hashim Thaçi, kryeministrin Isa Mustafa, si dhe kreun e Kuvendit, Kadri Veseli. (XH.A/SHUPLAKA)
