Vijon vala e ndryshimeve në rradhët e uniformave blu. Në Komisariatin e Pukës, mësohet se në vend të Pal Markut është emëruar Asllan Zhivani. Deri tani Zhivani punonte ne drejtorin e Përgjithshme te Policisë se Shtetit. Ndërsa Marku është emëruar specialist në Drejtorinë e Përgjithshme të Policisë se Shtetit.
Ndërkohë që në Vlorë, Alket Ahmeti është emëruar në krye të Komisariatit ndërsa postin e zëvendësdrejtorit e ka marrë Dritan Dorda.
Në Elbasan, është larguar zëvendës drejtori i Policisë Edmond Sulaj dhe në vend të tij është emëruar Ilirjan Balla. Shef i rendit po në këtë qytet është emëruar Bledar Perbati, detyrë që mbahej më parë nga Lavdërim Durbaku.
Kujtojmë se Vettingu në Polici u miratua mbrëmjen e djeshme në Parlament ndërsa Vlora dhe Elbasani janë konsideruar si qytetet ku kanë bazat disa nga grupet kriminale më të rrezikshme në vend.
(M.Q/Faxweb)
Discussion about this post