Ndryshime të shumta në Policinë e Tiranës, lëvizje te krimet, rrugorja dhe trafiku urban

Së fundmi pas përfundimit të zgjedhjeve janë bërë transferime dhe lëvizje të shumta në policinë e kryeqytetit, ku disa shefa krimesh janë ndryshuar, por jo vetëm.

Shefi i krimeve i komisariatit nr.5 është transferuar në Vorë, ndërsa shefi i krimeve të Vorës është transferuar te komisariati nr.5.

Po ashtu në policinë rrugore të Tiranës janë transferuar disa oficerë të policisë gjyqësore (OPGJ). Ende nuk dihen arsyet dhe motivacionet e ndryshimeve të shumta në policinë e kryeqytetit.

Kujtojmë që 7 muaj më parë u bënë ndryshime rrënjësore në polici ku u zgjodhën 12 drejtuesit e rinj të policisë në qarqe dhe 48 shefat e komisariateve, por ende ka mbetur pezull gara për drejtorat e departamenteve edhe pse sipas ligjit të ri të Policisë së Shtetit duhet të zhvillohet garë edhe për zgjedhjen e drejtuesve të rinj të departamenteve.