Deputetët turq kanë përfunduar në një rrahje masive në parlament gjatë seancës së djeshme mbi ndryshimet kushtetuese që do t’i jepnin presidentit Rexhep Taip Erdoan më shumë fuqi, duke e shndërruar në një President Ekzekutiv.
Përleshjet shpërthyen pasi deputetë të Partisë Drejtësi dhe Zhvillim u përpoqën të pengonin një deputete të Partisë Republikane të filmonte sesionin e votimit me telefonin e saj celular.
Deputetët votuan nen për nen në një seancë të hapur votimi për të ratifikuar ndryshimet. Sipas reformës, Presidenti Erdogan do të jetë në gjendje të shkarkojë dhe emërojë ministra, të rimarrë lidershipin e partisë në pushtet dhe të qeverisë deri në vitin 2029.
