Edi Rama, ka komentuar ditën e sotme në një konferencë me gazetarët kërkesën e Grupit të PS-së për shkarkimin nga Bordi Mbikëqyrës të BSH-së të Arben Malajt, tha se nuk ka asgjë personale me të.
Ndalur tek ndryshimet në qeveri, Rama u shpreh se në parim nuk do të ketë asnjë ndryshim.
Në asamble thatë se nuk do të ketë ndryshime në qeveri, po në shtator do ketë nevojë për rishikim të kabinetit?
Rama: Jo, në parim jo, por nëse shfaqet ndonjë nevojë ose situatë që unë nuk e di sot kjo është temë tjetër.
Pse po e largoni një socialist të vjetër si Arben Malaj? A e larguat Bushatin për shkak të qëndrimit të tij kritik?
Rama: E para lidhet me grupin parlament, pyesni deputetët që e kanë kërkuar largimin e zotit Malaj, nuk e besoni, jeni të lirë, unë nuk lexoj dhe është pjesë e paqes edhe kjo, më ndihmon për paqen, nuk lexoj. Përveçse në raste shumë të rralla gjëra që mi rekomando Fuga, se çfarë mund të ketë thënë Malaj për mua nuk është në gjërat që më kanë rekomanduar për lexim.
E dyta, jam shumë vëmendshëm ndaj kritikave, unë mbroj mendimet e mia dhe nuk ka asgjë personale me askënd, as me Bashën por me Bashën kam diçka personale që e kam pozitive, por nuk di si ta ndihmoj
Për sa i përket tjetrës nuk ka asnjë lidhje, nuk më rezulton që Ditmiri të ketë bërë ndonjë kritikë shqetësuese, nuk më rezulton, por edhe sikur të kishte ndodhur nuk ka lidhje, organizimi i ri kërkon disa angazhime dhe ritme, energji, dhe aftësi që bëjnë që të duhen disa ndryshime.
