Autobusave të linjës së “Tiranës së Re” në kryeqytet i është ndyshuar vendndodhja e disa stacioneve. E gjithë kjo ka shkaktuar një kaos dhe shqetësim për udhëtarët e kësaj linje për shkak të informacionit të gabuar që i’u është dhënë atyre nga ana e operatorit.
Një qytetare ka shprehur shqetësimin në rubrikën “ Kallëzo” në TvKlan.al. Sipas saj linja e “Tiranës së re”, tani e ka ndërruar stacionin që është përballë Kastratit.
“Dje kemi pritur te stacioni i vjetër dhe nuk ndaloi autobusi, thjesht thanë që tani do të respektohet rregulli dhe do të ndalemi vetëm tek stacioni i ri”, tha qytetarja. Por, duke tentuar të jenë korrekt dhe të zbatojnë ndryshimin e vendndodhjes , një ditë më pas qytetarët janë zhvendosur për të pritur autobusin në stacionin e ri, por ndodh çudia.
“Sot neve po prisnim tek stacioni i ri dhe asnjë autobus nuk ka ndaluar. Të gjithë autobusat ndalonin te stacioni i vjetër (edhe pse aty nuk ka më stacion). Ndërsa për neve që prisnim te vendi i duhur, nuk e ndalonte. Në video shihet edhe shenja në rrugë që është stacion për bus”, sqaroi më tej qytetarja.
