Qeveria e Maqedonisë së Veriut ka ndryshuar rregullat për hyrjet në pikat kufitare të territorit të saj. Duke filluar nga data 1 Shtator të gjithë ata të cilët do të duhet të udhëtojnë drejt Maqedonisë së Veriut do të duhet të jenë të pajisur me certifikatën e vaksinimit ose të kenë kryer testin PCR SARS-CoV-2 (jo më vonë se 72 orë nga udhëtimi) ose testin e shpejtë antigen (jo më vonë se 48 orë).
Ndërkohë që shtetasit që hyjnë tranzit në Maqedoni do të duhet të plotësojnë një deklaratë në kufi.
Njoftimi i plotë: Drejtoria Vendore e Kufirit dhe Migracionit Korçë
Autoritetet policore të Maqedonisë së Veriut, kanë njoftuar se duke filluar nga data 01.09.2021, të gjithë qytetarët të cilët do të hyjnë në Republikën e Maqedonisë së Veriut, duhet të jenë të pajisur me certifikatën e vaksinimit COVID-19.
Personat të cilët nuk e disponojnë certifikatën, duhet të kenë kryer testin PCR SARS-CoV-2 (jo më vonë se 72 orë nga udhëtimi) ose testin e shpejtë antigen (jo më vonë se 48 orë).
Shtetasit të cilët do të udhëtojnë tranzit për në Maqedoni, duhet të plotësojnë një deklaratë në Pikat e Kalimit Kufitar me Maqedoninë e Veriut.
Duke ju falenderuar për mirëkuptimin.
