Në fund të vitit 2017, Drejtoria e Përgjithshme e Shërbimit të Transportit Rrugor shpalli një tender, me vlerë 420 milionë lekë. Arben Isaraj, drejtori i ri, kërkon të blejë 150 mijë patenta të reja, me elementë të rinj sigurie.
Kështu, të gjithë ata që do ta marrin për herë të parë, por edhe atyre që u duhet ta rinovojnë atë, patenta do të ketë disa ndryshime.
Kjo vjen si një nga kushtet e Brukselit, për të qenë në koherencë me standardet e Bashkimit Europian.
Materiali i kartës do të jetë polikarbonat, jo më pak se 4 shtresa, me jetëgjatësi jo më pak se 10 vjet.
Sipas ekspertëve, këto patenta mendohet se do të jenë të pandryshueshme të paktën për një periudhë 20 vjeçare.
Modeli i ri është miratuar që në janar të 2017 gjatë këtij viti ka hyrë masivisht në qarkullim.
Aktualisht janë në përdorim të dyja modelet e patentave, edhe ajo vetëm me elementët shqiptare edhe modeli i përcaktuar sipas standardeve europiane.
(F.M/Faxweb)
Discussion about this post