Ndryshon renditja, kush është kryeqyteti i kokainës në Europë (Lista me 10 kryesuesit)

Qendra Europiane për Monitorimin e Drogës dhe Varësia ka publikuar raportin e saj të fundit për përdorimin e drogës në të gjithë kontinentin.

Lista me 10 vendet e para për përdorimin e kokainës kryesohet nga Barcelona, qyteti spanjoll. Ndërkohë, edhe pse në vitet 2014 dhe 2015, Londra ishte qyteti që udhëhiqte këtë listë, së fundmi nuk është farë në 10 vendet e para.

Ndërkohë, në raport thuhet se kryeqyteti evropian i përdorimit të amfetaminave është Eindhoven në Holandë. Amsterdami kryeson listën për përdorimin e MDMA.

Të dhënat u finalizuan pas analizave të mostrave të ujërave të zeza të 56 qyteteve në 19 shtete të Europës.

Ajo që bie po ashtu në sy është fakti se në 10 qytetet kryesuese, 5 prej tyre janë zviceriane.

(E.K/FAXWEB)