Ka ndryshuar skenari i protestës së opozitës, teksa deputetët e PD-së dhe të LSI-së kanë marrë fjalën duke elektrizuar turmën e pranishme. Deputetët kanë deklaruar se me djegien e mandateve ata janë bërë njësh me qytetarët.
Fillimisht u tha se nuk do të kishte fjalime, po duket se në minutat e fundit gjithçka ka ndryshuar. Një nga fjalimet më interesante ka qenë padyshim ai i kreut të LZHK-së Dashamir Shehi, i cili tha se në Kuvend do të kthehen vetëm si burrat.
“Ky zotëria që duam të largojmë është më e keqja e këtij vendi. Nuk ka njeri pa huqe, po ky njeri duhet përzënë një orë e më përpara. Ky njeri që del lartë e poshtë, dhe thotë që do bashkojë Shqipërinë me Kosovën, ky njeri helmon qytetarët e tij. Ne nuk kemi rrugë tjetër, dhe këtë do ja sqarojmë shqiptarëve dhe ndërkombëtarëve. Do vij dita që do i rikthehemi asaj sale, po do i rikthehemi si burra, këtë qytet të lirisë nuk na e marrin dot”, u shpreh deputeti Dashamir Shehi.
(E.K/FAXWEB.AL)
Discussion about this post