Policia e Shtetit ka zhvilluar disa operacione antidrogë dhe janë arrestuar 5 persona. Sipas policisë operacionet janë zhvilluar në Vlorë, Mat , Lezhë. Nga këto operacione janë sekuestrtuar 80 kilogramë kanabis në Vlorë ku është arrestuar Spiro Tupa, 62-vjeç. Policia ka finalizuar këtë në kuadër të operacionit të koduar “WEST”. Në bazë të informacioneve të mara në rrugë operative 62-vjeçari dispononte lëndë narkotike hashash në banesën e tij dhe e kishte bërë gati për ta shitur. Policia Vlorë ka shkuar në fshatin Breshisht ku ka bërë edhe kapjen e tij. Në banesën e 62-ve jçarit lënda narkotike ishte e fshehur në një dhomë e ndarë nëpër thasë dhe qese plastike.
Ndërsa në Mat janë sekuestruar 6 kilogramë hashash dhe janë arrestuar 3 persona në kuadër të operacionit “Minuta e Fundit”.
Në vijim të punës Policia e Shteti ka marë informacion se në qytetin e Burrelit tre persona po përgatisnin një sasi lëndë narkotike për ta shitur. Këta persona janë kapur në flagrancë nga policia dhe janë arrestuar: Alfred Dedja 30-vjeç, Jurgen Alzeneli 21-vjeç dhe K.K -18 vjeç, të gjithë banues në qytetin e Burrelit. U sekuestruan nga policia 3 aparate celularë dhe 6 kilogramë kanabis.
Po kështu në Lezhë u seksestruan 11 kilogramë kanabis në Reps dhe është arrestuar, Fatmir Gjonikaj, 28 vjeç. Këto operacione u zhvilluan në 12 orët e fundit dhe janë sekuestruar nga policia e shtetit gjithsej 97 kilogramë kanabis. (J.V/Shuplaka)
Discussion about this post