“Në 2005 Nano firmosi me kompaninë italiane për Skavicën”, Berisha: Nuk pranoja dot përmbytjen e tokave të Dibrës…

Ish-kryeministri Berisha gjatë prezantimit të kandidatit për 6 marsin Premtim Kryemadhi në Peshkopi, u shpreh se ajo që po ndodh me Skavicën është e pajustifikueshme, duke u bërë thirrje dibranëve që me votën e tyre t’i japin fund denatyrimit të zonës.

Në fjalën e tij, Berisha tha se në 2005 ishte Fatos Nano(ish-kreu i PS-së) që firmosi me një kompani italiane për ndërtimin e Skavicës, duke theksuar se nuk kishte qenë dakort.

“Nuk mund të pranoja përmbytjen e tokave të Dibrës”-tha ai, teksa shtoi se kandidati i Ramës në Dibër duhet të dalë e të japë llogari para qytetarëve për shkeljet e bëra me ndërtimin e hidrocentraleve.

Pjesë nga fjala e tij

Berisha: Ju falenderoj, për besimin e madh që keni treguar ndaj PD dhe opozitës shqiptare. Vota juaj ka qene dhe mbetet fryzmëzim forca dhe energji për demokratët e Dibrës dhe mbarë Shqipërise, per demokracinë dhe revoluconin paqësor si dhe përmbysjen e narkoshtetit të kreut të meduzës Edvin Ramës dhe patericave të tij.

Kam nder të madh që jam sot ketu për të paraqitur njërin nga bijtë tuaj, mësuesin e fëmijëve tuaj, zyrtarin e ndershëm, Premtim Kryemadhin, i cili misheron krenarisht virtytet tuaja, ndershmërine dhe dashurine e pakufij për ju dhe Dibrën.

Të dashur miq në këto zgjedhje përballja është e madhe, përballet e shkuara ,përballet shteti i bazuar ne mafia dhe droge, përballet narkoshteti që nuk njeh dhe s’respekton votën. Përballet arroganca e një njeriu që ka trasheguar psikologjinë më të keqe të eterve të tij, një njeriu që mendon se me dibranet, durrsaket mund te beje cdo gje pa u marre pelqimin e tyre.

Do të krijojë një ndërmarrje për të larë paratë e tij të drogës dhe ka marrë dhe Lul Bravën. Po a merret një vendim i tillë pa pyetur asnjë qytetar.

Çfarë bëhet me ‘Sheshin e Flamurit’ në Vlorë? Po arroganca e etërve të tij e ka pushtuar në cdo qelizë, ai nuk pyet njeri. Po as Dibra nuk është përjashtuar, do të zhvendosë fshatra, shkolla, varreza. Të varrosë historinë e madhe të Dibrës! Nuk përmbytet kurrë Dibra! Në vitin 2005 Nano kishte firmosur me një kompani të madhe italiane, kontratën për ndërtimin e Skavicës, erdhi kompania dhe i thashë nuk e pranoj.

Nuk pranoja dot përmbytjen e tokave të Dibrës, por italiani ishte serioz dhe megjithëse kishte bërë kontratën me kryeministrin, më dha të drejtë.

Hajde të shtojmë prodhimin me burime të tjera. Kandidati i Ramës të dalë e të japë llogari njëherë.

(E.D/faxweb.al)