Përveç problemeve me listat e paplota, të pashoqëruara me formualrët e dekriminalizimit, Partia Demokratike do të përballet dhe me detyrime të tjera.
Në 5 qarqe të vendit ajo nuk ka arritur dot të respektojë kuotën gjinore.Sipas Kodit Zgjedhor Neni 67, në pikën 6 dhe 7 saktëson këto ndasi.
“6. Për çdo zonë zgjedhore, të paktën tridhjetë për qind e listës shumemërore dhe një në tre emrat e parë të listës shumemërore duhet t’i përkasë secilës gjini.
E nëse shohim listat e PS-së në Kukës, Gjirokatër, Berat, Fier dhe Elbasan 3 vendet e para në listë u janë dhënë vetëm meshkujve.
Edhe në qarqet e tjera pavarësisht një emri në tre vendet e para, në listën vijuese ka një dominancë meshkujsh.
Kështu 3 vendet e para në lista vijonë si më poshtë:
| Qarku Kukës | Flamur Noka Isuf Cela Alban Zeneli |
| Qarku Gjirokastër | Tritan Shehu Roland Bejko Kosta Barka |
| Qarku Fier | Enkeleid Alibeaj Genc Pollo Myslym Murrizi |
| Qarku Berat | Eduard Halimi Astrit Veliaj Lefter Maliqi |
| Qarku Elbasan | Edmond Spaho
Endri Hasa Luciano Boci
|
Kjo mungesë e respektimit të kodit zgjedhor shoqërohet dhe me ndëshkimë dhe gjoba që janë të sanksionuara në nenin 175:
“1. Mospërmbushja nga ana e subjektit zgjedhor e detyrimeve të parashikuara në pikën 6, të nenit 67, të këtij Kodi, në lidhje me përbërjen e listës, dënohet nga KQZ-ja me gjobë 1 000 000 lekë si dhe sanksionin plotësues, sipas pikës 2 të këtij neni, në rastin e zgjedhjeve për Kuvendin, dhe me refuzimin e listës së partisë politike të kandidatëve për këshillat bashkiakë, për zgjedhjet për organet e pushtetit vendor.
2. Kur ndaj një subjekti zgjedhor është konstatuar shkelja, KQZ-ja zbaton si sanksion plotësues zëvendësimin e çdo vakance në listën e subjektit, në zonën ku është konstatuar shkelja, me kandidatët vijues në listë nga gjinia më pak e përfaqësuar deri në plotësimin e kuotës gjinore. Në rast se KQZ-ja vendos aplikimin e këtij sanksioni, përjashtimi i pikës 2 të nenit 164 nuk zbatohet dhe vakanca plotësohet sipas kësaj pike.
3. Sanksionet e përcaktuara në këtë nen vendosen për çdo zonë zgjedhore ku konstatohet shkelja. (E.K/SHUPLAKA)
