Kryeministri i Izraelit, Benjamin Netanyahu ka deklaruar se do të takohet me presidentin rus, Vladimir Putin të enjten në Moskë.
Ai ka theksuar se në këtë takim do të ngrejë zërin për të kundërshtuar, siç tha, përpjekjet e Iranit për të krijuar një terren të përhershëm ushtarak në Siri.
“Në kuadër të një marrëveshjeje të ardhshme të paqes, Irani është duke u përpjekur ta vendos veten përgjithmonë në Siri- edhe përmes prezencës ushtarake në terren dhe asaj detare- dhe gjithashtu përmes përpjekjeve për të hapur një front kundër nesh në Golan”, ka thënë sot Netanyahu, raporton Reuters.
“Do t’i shpreh presidentit Putin kundërshtimin e fuqishëm të Izraelit për një mundësi të tillë”, ka shtuar ai. Irani, armiku i Izraelit, është përkrahës i presidentit sirian Bashar al-Assad dhe e ka mbështetur atë edhe ushtarakisht. (J.V/Shuplaka)
Discussion about this post