Ditën e sotme u zgjuam me një zhvillim mjaft të bujshëm siç ishte gjetja në banesën e Gjyqtarit të Apelit, Shkëlqim Miri, të një shume prej 300 milionë lekësh të vjetra, dhe pas kësaj ndalimi i tij nga ana e Policisë.
Një shifër kjo vërtet e pajustifikueshme duke marrë parasysh të ardhurat e tij nga funksioni si gjyqtar, dhe pyetja tjetër që mund të shtrohet në këtë rast është: pse duhet ta mbante në banesë një shifër kaq të lartë?!
Po nëse i hedh një vështrim të shpejtë në ‘’Open Data” deklarimit të pasurisë nga ana e gjyqtarit Miri shihet se ai ka pasur një gjendje ekonomike vërtet të ‘’vështirë”, pasi përveç rrogës nuk ka deklaruar asnjë të ardhur tjetër. Ndrësa përsa i përket pronës, ai ka pasur në pronësi vetëm 50% të apartamentit ku banonte.
Madje Miri nuk ka deklaruar as ndonjë makinë në pronësi, apo sende të tjera me vlerë.
Në këtë link gjeni edhe deklarimin e plotë të pasurisë nga ana e Gjykatësit Miri.
http://spending.data.al/sq/moneypower/view/id/386
(E.K/FAXWEB)
Discussion about this post