Erjon Sulohoxha u vu në prangat e policisë së Fierit pas dhunës që ushtroi ndaj 39-vjeçares Alma. Ai u arrestua tri ditë më parë dhe nga qelia e paraburgimit në Komisariatin e Fierit kërkon të takohet me Almën.
“Unë dua ta takoj Almën. Nuk do ta dhunoj më. I premtoj edhe kësaj here. Dua të më falë e të më takojë këtu në burg”, është shprehur Soluhoxha, raporton “Panorama”. Nga ana tjetër, Alma N. ka thënë në polici se nuk do të ketë më kontakt me Erjonin.
Çifti u bë i njohur pas përgjërimeve të Erjonit në videot e shpërndara në rrjetet sociale, ku ai i kërkonte Almës të kthehej. Ata u bashkuan në nëntor, për tu ndarë sërish pas dhunës që 35-vjeçari ushtroi ndaj Almës.
