Në çadër, për 4 pyetje të shpejta me Nevila Xhindin. Çfarë mendon sekretarja politike per shoqërinë civile në Partinë Demokratike për vendimin e kreut të LSI-së Ilir Meta. Meta deklaroi se nuk hyn në zgjedhje pa opozitën.
Si e pe vendimin e Metës?
Për mua ishte si resume e të thënave të establishmentit politik të LSI-s sa në ekrane dhe në takimeve gjithë këtyre ditëve, sidomos pas “shpërthimit”të ish-ministrit Manjani. E vetmja risi ishte Meta që lexoi deklaratën, sepse deri në atë moment nuk ishte prononcuar vetë përsonalisht. Por Meta nëse nuk ka njëveprim konkret që e shoqëron këtë, dhe tashmë u bënë dy ditë, fjalët nuk më impresionojnë. Ç’domëthënë i “jap mandatet”? Kujt iajep? – ”Ia jap PD-së… por edhe nuk i jap. Meta me këto ecejaket e vendimeve të tij përfundimisht nuk është i besueshëm.Vetëm veprimi e ndan nga fjalët e thëna e stërthëna…veprim se koha ikën e do ta lërë pas.
Po nëse do kishte shpallur koalicionin me Ramën dje, çfarë do mendoje? Si do ishte per ju?
Ne nuk kemi pritur e nuk presim koalicion me fjalët, legjitimisht Meta është në koalicion me Ramën dhe nuk do më bënte çudi që koalicioni të“refresh””/ridiskutohej, por në një tjetër dimension politik, pas aq shumë konstestimeve politike të bëranga LSI për qeverinë Rama. Në fakt duket e çuditshme që edhe në bisedë t’i ndash nga njëri-tjetri, pasi ato bashkëqeverisën dhe ende bashkëqeverisin, kanë miratuar çdo ligj e reformë absurde dhe jo për interes të Shqipërisë( siç i pëlqen Metës ta thotë), kanë ngritur së bashku kartonat në parlament për reforma që ka cënuar e cënojnë të ardhmen sociale, ekonomike e mjedisore të këtij vendi.
Koalicioni Rama-Meta, ndan e bën hesape/pazare në këtë moment, ndërsa ne jemi krejt të qartë: zgjedhjet të lira që shqiptarët të përfaqësohen, të ndershme që shqiptarët të mos blihen dhe kjo ka një “koalicion”- Qeverinë Teknike!
Pra, një dritë në fund të tunelit?
Nëse arrihet qeveria teknike, shqiptarët futen në zgjedhje të lirë.Është një avantazh politik i qëndrueshëm për kohët e vështira që jeton Shqipëria, ku fatkeqësisht u jemi rikthyer “kronikave të zëza’ të Europës e raporteve të ndërkombëtarëve.
Ndërsa Partia Demokratike, përkundrejt “sinoptikanëve politikë”që e shihnin errët, është rritur dukshëm, është forcuar, është konsoliduar fryma jo vetëm brenda partisë, por është rritur mbështetja e qytetarëve, të cilët në fund të ditës përjetuan 46 ditë intensive ku frika u vra, dhe njerëzve iu shpalos alternativa politike për një Republikë të Re, shpresë në këtë vend.
Çfarë mund të ndodhë tani?
Ne do vazhdojmë në protestë dhe zgjidhja me qeveri teknike është afër, por unë besoj edhe zgjedhjet shtyhen. (V.G/SHUPLAKA)
Discussion about this post