Protesta e opozitës ka hyrë sot në ditën e saj të 10-të. Ende nuka ka një përgjigje nga ana e partive qeveritare ndërkohë që ditë pas dite takimet që zhvillohen te ccadra e lirisë kanë qëllim të japin një zgjidhje për ndonjë nga temat që shqetësojnë qytetarët.
Basha sot ka pasur një takim me ish-të përndjekurit politikë ku ka premtuar se në qeverisjen e tij do të zgjidhen plotësisht kërkesat e tyre.
Basha ka theksuar se ka vetëm dy rrugë ose të tërhiqet populli ose të japë dorëheqjen qeveria. Ai ka theksuar se tërheqja e popullit në këto momente do ta zhyste vendin në një krizë.
‘’Këtu nuk jemi për interest tona, jemi për interesin ekzistencial të çdo shqiptari. Për zgjedhje të lira e të ndershme. Ky bashkim sa vjen e rritet. Sot kemi të përndjekurit politikë po kanë mbërritur dhe emigrantët që u nisën nga Athina para dy ditësh.
Po ashtu janë nisur të tjerë nga Italia, nga Brukseli e nga Londra. Ideali për të cilët të përndjekurit janë nuk është vënë ende në vend. Ne kemi bërë shumë në këtë drejtim në qeverisje dhe në politikë. Po ka akoma shumë për të bërë.
Republika e re që po ndërtojmë së bashku do të jetë Republika e lirë vetëm nëse do të kemi zgjidhur tërësisht ccështjen tuaj. Dy rrugë ka ose tërheqja e popullit ose dorëheqja e qeverisë. E para do ta zhyste vendin në krizë dhe e dyta është e vetmja zgjidhje’’, ka thënë Basha. (E.K/SHUPLAKA)
Discussion about this post