Prej disa mujsh Amarda Toska është në pritje të ëmbël. Së fundmi ajo ka folur për shtatzëninë. Ami është shprehur për “Jo vetëm modë” se shtatzënia po shkon mirë dhe se ajo është duke i shijuar momentet e fundit të kësaj pritjeje të ëmbël.
“Shtatzënia më ka shkuar shumë mirë, kur u nis në fillim e shihja si rrugëtim të gjatë dhe tani që po i vjen fundi them sa shpejt kaloi dhe dua t’i shijoj edhe këto momente të fundit. Luhatje humori dhe neps nuk kam patur. Nepsi besoj ka qenë në kohën e prindërve tanë kur mungonin shumë gjëra”, është shprehur ajo. Ndërsa ka shtuar se emrin e vajzës ende nuk e kanë vendosur.
“Lidhur me emrin e vajzës nuk kemi vendosur ende, kemi disa emra të preferuar por nuk dua t’i them sepse duket sikur e shpall pastaj. Djalit i’a kemi vendosur më herët, ndërsa me vajzën akoma s’na e ka bërë klik emri i duhur”, ka përfunduar Ami.
(M.Q/Faxweb)
