‘Në djall vaftë ekstradimi’, provokon Izet Haxhia. Në cilin shtet ndodhet ish-truproja e Berishës?!

Ditën e djeshme Gjykata e Lartë e Turqisë vendosi pro ekstradimit të Izet Haxhisë në Shqipëri.

Ai ndodhej prej shumë vitesh në Turqi, ku ishte ndaluar dhe më pas ishte strehuar si azilant politikë.

Po ku ndodhet tashmë Haxhia?

Së fundi ai ka bërë një postim tejet provokues në rrjetet sociale, teksa përshëndet nga Franca. Nuk dihet nëse truproja i ish-kryeministrit ka vendosur që të kalojë nga Franca përpara se të kthehet në Shqipëri, ku kërkon rigjykim për akuzën e vrasjes së Azem Hajdarit.

‘Në djall vaftë ekstradimi !RroftëDashuria .!!! Përshëndetje Franca..”, shkruan Hazia, duke konfuzuar edhe ndjekësit e tij në rast se ai është shpërngulur në Francë. Po ashtu ai ka postuar edhe një dhe një këngë të Bujar Qamilit dhe Rosela Gjylbegut.

Dje Haxhia u shpreh se ai ishte i gatshëm të përballej me drejtësinë e re shqiptare.

“Gjykata e Lartë e Turqisë pas 12 vjetësh dha vendimin për ekstradimin tim në Shqipëri. Besoj se me këtë vendim fillon edhe kapja e “peshqve të mëdhenj” të krimit e korrupsionit 27 vjeçar në Atdhe”, është shprehur ai ndër të tjera.

Në lidhje me vrasjen e Azem Hajdarit ai tha se pret nga drejtësia shqipater që të jetë e pavarur

“Nga drejtësia e re shqiptare pres që të jetë e pavarur dhe të zbatojë ligjet në mënyrë korrekte dhe pa ndikime politike, pres që të rihapet çështja Hajdari pasi gjyqi i zhvilluar për atë çështje ka qenë komplet i manipuluar nga të dy krahët politikë dhe në bashkëpunim të plotë mes tyre është dhënë dënimi im i padrejtë.

Është e drejta ime ligjore që buron nga Konventa Ndërkombëtare e të Drejtave të Njeriut që unë të gjykohem përsëri për një çështje për të cilën kam marrë dënim në mungesë pa patur mundësi të mbrohem dhe të dëshmoj të vërtetat që di në lidhje me atë vrasje dhe njerzit e implikuar në të”, tha ai.

Gjithashtu ish-truproja i Berishës tha se I qëndron atyre që ka thënë më parë për ish-kryeministrin.

I qëndroj të gjithave çfarë kam thënë deri më sot si për Berishën, ashtu edhe për çdo person tjetër dhe në qoftë se drejtësia e pavarur ma krijon mundësinë të dëshmoj para saj, unë do ta bëj këtë.

(E.K/FAXWEB)

https://www.youtube.com/watch?v=KLjavFqFPA4&feature=share