Në dy aksione të ndryshme në Fier dhe Kukës janë sekusetruar 31 kg kanabis sativa dhe kanë rënë në prangat e policisë 5 persona. Fillimisht ka qenë operacioni ”Prita” në Kukës ku u sekuestruan 23 kg lëndë narkotike dhe u arrestuan 4 persona. Dhe më pas operacioni ”Mbrostari” në Fier ku u sekuestruan 8 kg kanabis sativa dhe u arrestua një person.
Konkretisht:
Në Kukës finalizohet me sukses një tjetër operacion antidrogë i koduar “Prita”.
Sekuestrohen rreth 23 kg lëndë narkotike e dyshuar Cannabis Sativa.
Arrestohen në flagrancë 4 shtetas.
Më datë 19.02.2017, Specialistët për Narkotikët, në Drejtorinë Vendore të Policisë Kukës, në vijim të punës për goditjen e trafikimit të lëndëve narkotike dhe mbi bazën e informacioneve të marra në rrugë operative, finalizuan me sukses operacionin antidrogë të koduar “Prita”, ku u bë arrestimi në flagrancë i shtetasve:
A.K., 31 vjeç banues në fshatin Gurë, Dibër.
R.L., 39 vjeç, banues në Rrushkull, Durrës.
P.E., 45 vjeç, banues në Zall-Reç, Dibër.
K.E., 16 vjeç, banues në Zall-Reç, Dibër.
Arrestimi i këtyre shtetasve u bë pasi, në fshatin Bicaj- Kukës, janë kapur në flagrancë me një sasi rreth 23 kg lëndë narkotike, të cilën po e transportonin në mjetin tip “Furgon”, me targa TR 2797 T.
Në cilësinë e provës materiale sekuestruan :
– 23 kg lëndë narkotike e dyshuar si Cannabis Sativa si dhe automjeti tip “Furgon”, me targa TR 2797 T.
Materialet i kaluan për veprime të mëtejshme Prokurorisë së Rrethit Gjyqësor Kukës, për veprën penale “Prodhim dhe shitja e narkotikëve, kryer në bashkëpunim”, parashikuar nga neni 283/2, i Kodit Penal.
Fier
Finalizohet me sukses Operacioni i koduar “MBROSTARI”.
Sekuestrohen 8 kg lëndë narkotike Cannabis Sativa.
Arrestohet në flagrancë poseduesi i lëndës narkotike.
Nga Sektori për Hetimin e Narkotikëve dhe Trafiqeve në Drejtorinë Vendore të Policisë Fier, në bashkëpunim me Komisariatin e Policisë Fier, u bë i mundur finalizimi i operacionit të koduar “MBROSTARI”, ku si rezultat i të cilit u arrestua në flagrancë shtetasi:
-A.M., 40 vjeç, banues në fshatin Mbrostar Ura, Fier.
Arrestimi i këtij shtetasi u bë pasi në banesën e tij në Mbrostar Ura, iu gjet e bllokua në cilësinë e provës materiale 8 kg lëndë narkotike e dyshuar Cannabis Sativa.
Materialet i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe shitja e narkotikëve” parashikuar nga Neni 283/1 i Kodit Penal.
