Një banesë është përfshirë nga flakët e zjarrit mesditën e kësaj të marte në qytetin e Shkodrës. Ngjarja ka ndodhur në zonën e njohur “Dudas”, pranë Rrugës së Gjërë. Nga rënia e zjarrit, fatmirësisht kanë shpëtuar familjarët që ndodheshin në banesë.
Për shuarjen e flakëve të zjarrit u angazhuan 4 mjete zjarrfikëse, ndërkohë në ndihmë u erdhën edhe banorët e zonës. Në terren ishte edhe një mjet i ambulancës.
Ende nuk dihet se cili është shkaku i këtij zjarri. Duhet theksuar se ndërhyrja në kohë e zjarrfikësve bëri që të shpëtoheshin shtëpitë e tjera përreth, teksa tymi ‘pushtoi’ të gjithë zonën.
Ky është rasti i dytë brenda dy ditësh që një shtëpi digjet nga zjarri në qytetin e Shkodrës.
Discussion about this post