Arrestimi i disa përfaqësuesve të Kryqit të Kuq të Serbisë, i cili gjendet në veri të Mitrovicës ka sjellë shumë reagime. Mediat serbe kanë përfshirë në këtë ngjarje edhe kryeministrin Ramush Haradinaj.
Gazeta elektronik “Telegraf.rs” një shkrim të saj e ka titulluar ‘Serbët zgjodhën Haradinajn, ai filloi të na arrestonte’.
Në këtë shkrim citohen disa politikanë serb të cilët sugjerojnë Listën Srpska që t’u dalë në ndihmë populates serbe që jeton në Kosovë.
Sjellim në vëmendje që Policia e Kosovës me autorizim të prokurorit të prokurorive themelore të rajoneve të Prizrenit, Pejës, Prishtinës, Gjilanit dhe Mitrovicës, ka zhvilluar disa kontrolle të një hapësirave të një organizate humanitare (Kryqi i Kuq i Serbisë) si dhe në disa vendbanime të disa punonjësve të kësaj organizate.
“Drejtoritë Rajonale të Policisë (DRP-t) kanë angazhuar zyrtarët policor sipas vlerësimeve të tyre, ku gjatë realizimit të kontrollit janë gjetur dhe konfiskuar dokumente të ndryshme të cilat dyshohet se janë përdorur nga individë në këtë organizatë”, thuhet në njoftimin e PK-së.
Policia e Kosovës gjatë këtij operacioni policor ka marrë në pyetje disa individë që në momentin e kontrollimeve janë hasur në ato hapësira, në të cilat është gjetur materiali për regjistrim të popullsisë. (J.V/Shuplaka)
Discussion about this post