Antoni Çako prej vitesh jeton në paris, edhe pse nuk ka lidhje me pasarelat e modës. Ai është djali i sopranos Inva Mula dhe kompozitorit Piro Çako.
22-vjeçari duket se ka trashëguar nga familja e tij genin e artistit. Ai ka lindur dhe është rritur në Paris, ka disa kohë që i është përkushtuar muzikës dhe gjatë këtij viti është gati të debutojë si producent në skenën europiane të muzikës elektronike.
Por në një intervistë për “Jo Vetëm Modë”, ai ka folur për pasionet e tij por edhe për familjen.
Antoni flet edhe për marrëdhënien me motrën e tij 5-vjeçare:
“Kam një marrëdhënie siç mund të ketë një 22-vjeçar dhe 5-vjeçare. Mezi pres që të rritet që të kemi një marrëdhënie edhe më të afërt, pasi do të kemi mundësi që të bëjmë më shumë gjëra së bashku”.
Ndërsa për bashkëshortin e nënës së tij, Hetem Ramadani ai shprehet se fillimisht nuk e ka dashur pasi ishte xheloz, ndërsa tani situate ka ndryshuar dhe ai ndjen respect për të.
“Fillimisht kur u lidh me mamin, isha 13 vjeç, nuk e pranoja siç nuk e pranon çdo 13-vjeçarë, sepse isha xheloz, por kur lindi Nina çdo gjë ndryshoi. Tani me Hetemin kemi një marrëdhënie shumë të mirë, kam shumë respekt. Është burrë shumë i mirë, kemi marrëdhënie shumë të mirë, e respektoj shumë”u shpreh më tej Antoni.
(E.K/FAXWEB)
