”Në fillim nuk mu duk se ishte ai, e humba fare”, djali i Agim Arapit që u vra në Durrës rrëfen momentet e tmerrit (VIDEO)

Djali i Agim Arapit që u vra për 13 mijë lekë në Durrës rrëfen momnentet e tmerrit dhe ka një apel që vrasësit e babit të tij të kalben në burg.

Ai tregon se babai ishte transformuar totalisht në fytyrë nga plagët që kishte marrë pas sulmit barbar dhe në momentet që e ka parë është tronditur mjaft.

‘’Më mori mami në telefon dhe më tha eja shpejt se kanë rrahur Gimin. Kur shkova atje gjeta policin që po i jepte ndihmën e parë. Pashë një tmerr me sy. Në fillim nuk mu duk se ishte ai dhe e humba fare, kishte hematoma fryrje u mundova t’i jap ujë.

E vetmja gjë që dua është të kalben në burg. Për të paktën që ato vite që do bëjnë t’i bënë gishtin kokës. Të gjithë kemi gjak të gjithë kemi nerva. Ai u rrah barbarisht, nuk vdiq nga zemra. Ata duhet ta vuajnë dënimin’’, thotë djali i Agim Arapit.  

Ai thotë se babai i tij nuk e meritonte të ikte në atë mënyrë duke u rrahur barbarisht. (E.K/SHUPLAKA)