Para hapjes së votimit për shkarkimin e ministrave dhe zv/kryeministrit, kishte një “debat” i shoqëruar me batuta mes Bylykbashit, Metës dhe Ruçit për kohën se kur duhen votuar ligjet e vettingut, në fillim apo në fund të seancës.
Deputeti demokrat, Oerd Bylykbashi kërkoi që votimi për çështjen e vettingut të lihej për në fund, ndërkohë që Gramoz Ruçi replikoi duke thënë se do të ishte në nderin e Kuvendit që ta vazhdonte aty ku e kishte lënë, pra jo me qeverinë teknike, por me ngritjen e komisioneve të vetingut.
Pjesë nga debati para votimit:
Bylykbashi: Propozojmë që ligjet për Vettingun të votohen të fundit
Ruçi: Nuk ka asnjë argument për këtë
Bylykbashi: Atëherë, kjo është sipas marrëveshjes së rënë mes palëve për tu votuar në fund të rendit të ditës.
Ruçi: Kjo duhet të jetë çështja e parë që duhet të votojmë se bashku
Meta: Mendoj të mos e ndryshojmë rendin e ditës. Z. Berisha e dha dakordësinë e tij, besoj të vazhdojmë tani. Unë atë kam tani. Këta të tjerët e kanë me njëri-tjetrin, unë me atë e kam. Kur të iki unë bëni çfarë të doni ju të tjerët.
Vetting-u nuk duhet të hyjmë në debat sepse Vetting-u nuk është as i pari dhe as i fundit, është në qendër të rendit të ditës. Kështu që qendra e gravitetit të gjithë rendit të ditës është Vetting-u
(M.D/Shuplaka)
