Në prangat e policisë së Vlorës ka rënë Martin Gërra, 28 vjeçari për plagosje të lehtë me dashje dhe drejtim të automjetit në mënyrë të parregullt.
Sipas bluve, i riu pas një konflikti që ka pasur në lagjen ”1 Maj”, për motive të dobëta me shtetasin K.B., 53 vjeç, ka ushtruar dhunë fizike duke e goditur këtë të fundit, i cili për pasojë ka mbetur i dëmtuar dhe gjendet në Spitalin Rajonal Vlorë jashtë rrezikut për jetën.
Autori pasi e ka goditur shtetasin K.B, e ka lënë të dëmtuar dhe është larguar nga vendi i ngjarjes.
Shërbimet e Policisë janë vënë në ndjekje dhe kanë bërë kapjen e tij.
Gjithashtu në momentin e konstatimit dhe ndalimit nga policia ky shtetas ka rezultuar se drejtonte automjetin nën efektin e pijeve alkoolike.
Materialet janë referuar në ngarkim të tij për veprat penale të ”Plagosje e lehtë me dashje” dhe ”Drejtimi i automjeteve në mënyrë të parregullt”, parashikuar nga nenet 89 dhe 291/1 të Kodit Penal. (J.V/Shuplaka)
