Në Indi hapet për herë të parë një shkollë për nxënësit transgjinorë ose tranvestitë.
Shkolla është hapur në qytetin indian të Kochit, me qëllim për të ndihmuar të rriturit të cilët e kanë braktisur shkollën dhe nuk kanë arritur dot t’i përfundojnë studimet.
Sipas BBC-së, tranvestitët në Indi përballen me gjykimin kritik të shoqërisë dhe si rezultat, gjysma e tyre nuk arrijnë dot të mbyllin as arsimin e detyrueshëm.
“Sahaj International” quhet shkolla e parë e këtij lloji në Indi, e cila do të mirëpresë si fillim 10 nxënës, të moshës nga 25 deri në 50-vjeçare.
“Shkolla ka për qëllim që travestitët të kualifikohen për të bërë një punë të mirë dhe të jetojnë një jetë dinjitoze.”, tha për BBC aktivisti transeksual, Vijayraja Mallika, i cili drejton shkollën.
Vendimi për krijimin e kësaj shkolle, vjen fill pasi drejtoresha transvestite e një kolegji, Manabi Bandopadhyay, dha dorëheqjen nga posti i saj pasi nxënësit dhe disa mësues, ishin ankuar për shkak të identitetit të saj seksual. (D.D/Shuplaka)
Discussion about this post