Klajda Gjosha, Kejdi Mehmetaj dhe Floida Kërpaçi, të treja kandidate të LSI-së për qarkun e Tiranës, të ftuara në emisionin Oktapod të Turjan Hyskës, kanë folur për rolin e gruas në shoqërinë dhe politikën shqiptare.
Në prapaskenë, tre femrat e LSI-së i kanë cilësuar si “LSI angels” apo engjëjt e LSI-së, bazuar nga filmi “Charlie’s Angels”.
Mirëpo ministrja e Integrimit Klajda Gjosha ka përdorur një tjetër term, tre muskutieret.
“Më lejo pak ta them, unë po dëgjoja aty mbrapa skene, na vure një epitet, nuk e di nëse e kam dëgjuar mirë, LSI-Angels. Kemi dëgjuar për tre muskutierët, në këtë rast jemi tre muskutieret, kështu që është përgjegjësi shumë e madhe padyshim, por unë besoj në të gjitha vlerat e grave dhe vajzave. Kjo është një betejë, dhe me gjithë fuqitë tonë, LSI është krijuar si një parti e thjeshtë. Nejrëzit sot kanë nevojë të dëgjohen.”, tha Gjosha.
Ministrja ka përmendur edhe gjobën e vënë nga KQZ, për shkak se tre emrat e parë në listë ishin femra, duke mos respektuar barazinë gjinore.
“Të gjithë sëbashku jemi mundur të krijojmë shumë mundësi për shumë gra dhe vajza, madje ne kemi qenë edhe pak të ishiruata ditët e fundit sepse kemi marrë një gjobë si LSI, vetëm se kemi vendosur tre gra dhe vajza në krye të listës së kandidatëve të Tiranës.
Unë e kam thënë edhe në konventë, por gjithmonë e kam thënë: Një grua nuk mund ta barazosh kurrë me një gjobë. Ishte diku tek 10 milionë të reja, ishte shumë e madhe dhe nuk besoj që e meritojmë.”
