“Në jetë kam preferuar ti ngjis shkallët një e nga një”, Joni Peçi tregon ëndrrën e tij më të madhe: Dua që Tirana të kthehet…

Stilisti Joni Peçi ka bërë një rrëfim të sinqertë në emisionin “Fol me mua” nga Rovena Dilo në ekranin e Faxnews.

Nga atelia e tij, fenomeni Peçi sic e cilësoi Dilo, tregoi se gjatë jetës së tij ka preferuar që ti ngjis shkallët një e nga një, dhe me shumë punë të mbërrijë aty ku ka dëshiruar.

Shumë ndryshe nga rruga që ndjekin shumë personazhe në ditët e sotme.

Peçi: Është ndryshe kur intervistohesh nga një artiste, ndaj këtë intervistë do e bëj me shumë pasion.

Të jesh i vërtetë shpeshherë, e vërteta dhëmb. Në botën që jetojmë sot është një botë që është turbulluar shumë, ku gënjeshtra e ka mundur vertetësinë.

Njerëzve iu pëlqen që të jenë pak gënjeshtarë në atë që prezantojnë.

Të lexosh një libër, duhet ta kesh me dëshirë, libri dhe shkolla nuk merren me dhunë. Sot shkolla për shumë njerëz ka kaluar në dytësore, mjafton të jemi të famshëm. Kjo është vala e azhornimit që jetojmë sot dhe duhet të adaptohemi.

Në një dokumentar, sot po e them, para disa javësh ishte një moment që u preka dhe doja të thoja që në jetën time kam zgjehdhur të mos marr ashensorin por të ngjis shkallët një e nga një. Mu duk si mëndjemadhësi. Unë kam preferuar ti ngjis shkallët një e nga një.

Nuk dua të jem si personazhet që futen në reality dhe bëhën të famshëm brenda ditës dhe më pas nuk i kujton.

Por kam preferuar të jem konstant dhe me shumë punë të mbërrijë këtu.

Joni Peçi foli është për sfilatën e realizuar vetëm pak javë më parë, nën diçiturën “Tirana kryeqyteti i Modës”.

Peçi: E thënë në 2023 nuk është e guximshme, se e kam thënë edhe në 2005, kur kam sjell stilistë nga gjithë Ballkani, kur në një javë Tirana u kthye kryeqytet i modës. Pata mbështetjen e stilistëve të huaj se ata vendas kujtonin  se do u merrja punën. Konkurrenca është një zhvillim për të gjitha fushat.

U dhashë mundësi të gjithëve në mënyrë të barabartë. Por kjo nuk u përqafua nga stilistët pasi ishin skeptikë.

Qëllimi ka qenë i një rezultati të bukur që e riktheva sërish. Ëndrra ime është që Tirana të kthehet një stacion i madh i një kryeqyteti mode sic është në të gjithë botën. Unë do ta kthej vitin 2005 sërish.