Në Kavajë fitoi PD, Kryemadhi: Qytetaria triumfoi mbi banditizmin dhe strategjinë e terrorit

Monika Kryemadhi nënkryetarja e LSI-së ka reaguar në lidhje me rezultatin e zgjedhjeve në Bashkinë e Kavajës.

Në një reagim të shkurtër në rrjetet sociale ajo shprehet se pavarësisht terrorit në Kavajë arriti të triumfonte qytetaria.

“Përshëndetje qytetarë të Kavajës! Pavarsisht nga blerjet masive të votës në Kavajë, sot qytetaria triumfoi mbi banditizmin dhe strategjinë e terrorit. Shumë shpejt e gjithë Shqipëria do të ndjekë shembullin e Kavajës. Mirënjohje dhe respekt kandidatit tonë, Maksim Kona. LSI forcë e parë LSI forcë e paparë”, shkruan Kryemadhi.

Duhet thënë se gara për Kavajën ishte mjaft e luftuar deri momentet e fundit dhe Isa Sakja arriti të triumfonte vetëm me pak vota avantazh. 

(E.K/SHUPLAKA)