Në kërkim ndërkombëtar për trafik kokaine, arrestohet në Tiranë

Një 58-vjeçar është arrestuar gjatë ditës së sotme në kryeqytet pasi rezultonte i shpallur në kërkim ndërkombëbëtar.

Bëhet me dije se i ndaluara është shtetasi me inicialet M.Xh banues në Tiranë ndaj të cilit Gjykata e Napoliti në Itali kishte vendosur ndaj tij masën e arstit me burg për trafikim të lëndëve narkotike.

Ai dyshohet se gjatë vitit 2016 kishte qenë pjesë e një organizate të strukturuar kriminale e cila merrej me trafikimin e lëndëve narkotike të llojit kokainë dhe heroinë nga Holanda drejt Italisë

Njoftimi i Policisë:

Vijon puna për kapjen e personave të shpallur në kërkim ndërkombëtar

Kapet dhe arrestohet përkohësisht një shtetas shqiptar me qëllim ekstradimi drejt Italisë.

Në vijim të punës për kapjen e personave të shpallur në kërkim, nga Sektori i Forcës së Posaçme të Operacioneve Speciale dhe Kërkimit në D.V.P. Tiranë, në bashkëpunim me Interpol Tirana, u kap dhe u arrestua përkohësisht shtetasi shqiptar i shpallur në kërkim ndërkombëtar: M. Xh., 58 vjeç, banues në Tiranë.

Gjykata e Napolit/Itali ka vendosur ndaj këtij shtetasi masën e sigurisë “Arrest me burg”, për veprën penale “Organizatë kriminale me qëllim trafikimin e lëndëve narkotike”, parashikuar nga neni 74 i ligjit 309/1990 dhe Nenet 3, 4 të ligjit 146/2006 të Kodit Penal Italian.

Gjatë vitit 2016 dyshohet se ky shtetas ishte pjesë në një organizate kriminale, e cila merrej me trafikimin e lëndëve narkotike të llojit kokainë dhe heroinë nga Holanda drejt Italisë

Veprimet e mëtejshme për ekstradimin e këtij shtetasi do të kryhen nga ZQK Interpol Tirana.

(F.GJ/FAXWEB.AL)