Këngëtari i njohur Arkimed Lushaj, i njohur ndryshe si “Stresi” ka reaguar lidhur me lajmin që qarkulloi mëngjesin e sotëm në medie se është shpallur në kërkim pasi ka filmuar veten duke qëlluar me shotgun.
Në reagimin e tij, reperi e cilëson këtë lajm si të pavërtetë dhe shprehet se as nuk është shpallur në kërkim dhe as nuk po fshihet. Ai kërkon nga mediet që të heqin këto deklarime të pabaze dhe kërcënon se në të kundërt do të merret vetë personalisht me to.
“Ky lajm nuk është aspak i vërtetë dhe unë nuk jam as në kërkim as nuk fshihem, ma free se kurrë. Kërkojmë nga ju dhe të gjitha televizionet e tjera të heqni këto deklarime te pabaza dhe do merrem personalisht me ju saqë do mbani përgjegjësi.”, shkruan “Stresi” ndër të tjera.
Ndërkaq, mëngjesin e sotëm, ndër të tjera policia njoftonte:
“Nga veprimet hetimore të kryera ka rezultuar se ngjarja ka ndodhur më datë 31.12.2016, si dhe po kryhen veprime administrative për heqjen e lejes për mbajtje arme gjahu ndaj S. L, 61 vjeç, banues në Tiranë” njofton policia. Për këtë arsye, blutë e Tiranës kanë shpallur në kërkim Arkimed Lusha, 29 vjeç, banues në Tiranë, i dënuar më parë si dhe E. L., 21 vjeç, banues në Tiranë. Është bërë sekuestrimi në cilësinë e provës materiale të: një armë zjarri gjuetie, tip “Shotgun”, një automjeti tip “Audi”.
(XH.A/SHUPLAKA)
