Është padyshim jeriu më i kërkuar dhe më i përfolur i momentit në Shqipëri, për të cilin ka nisur kërkimet edhe SHISH. Po flasim për të ashtuquajturin “Eskobari i Ballkanit”, i cili ka detyruar shërbimin tonë të inteligjencës të kalojë në shërbim të përforcuar prej dy ditësh.
Vizion Plus ka mësuar se, SHISH po mban në mbikëqyrje të plotë të gjithë familjarët e Klement Balilit dhe miqtë e tij më të ngushtë pasi ka dyshime të forta se ai ndodhet në kryeqytet.
Në të njëjtën kohë edhe SHKB, ka nisur hetimet për dekonspirim në të paktën 3 operacione për kapjen e tij
Tre janë efektivët të cilët janë pezulluar nga puna deri në përfundim të hetimeve, ndërsa shërbimi i kontrollit të brendshëm mbetet i rezervuar në dhënien e informacioneve për këtë çështje.
44-vjeçari Klement Balili akuzohet për trafik ndërkombëtar të lëndëve narkotike në Greqi e po ashtu edhe me vendet e BE-së.
Organet ligjzbatuese dyshojnë se Balili jo vetëm që mund të ketë ndryshuar emër, por mund të ketë ndryshuar edhe pamjen e jashtme.
Discussion about this post