Wilfried Zaha ka akuzuar Manchester United se nuk i ka dhënë atij mbështetje pas transferimit të tij në 2013 nga Crystal Palace tek ‘Djajtë e Kuq’ në vitin 2013.
Ai tha se kjo kishte bërë që ai të binte në depresion. Zaha ishte nënshkrim i fundit i Sir Alex Ferguson. Por nën drejtimin e Moyes i cili mori drejtimin pas ikjes së Ferguson, duket se futbollisti nuk ka gjetur ambientin e duhur në ekip dhe është ndjerë i lënë ansh.
Megjithatë Zaha tha se nuk ishte i penduar pse ishte transferuar tek United. “Nuk pendohem për asgjë, sepse më ka bërë më të fortë. Ndiej sikur tani mund të përballoj gjithçka”, tha ai.
Futbollisti zbuloi edhe arsyen pse mund të mos jetë paraqitur për gjigantin anglez. Zaha u shpreh se kishte pasur thashestheme se ai shkonte me vajzën e trajnerit të United, por që sipas tij nuk ishte aspak e vërtetë.
“Kam kaluar nëpër shumë gjëra në United dhe me Anglinë. Ka pasur thashetheme se arsyeja pse nuk po luaja për Unitedin ishte sepse shkova me të bijën e David Moyes, dhe askush nuk tentoi ta sqarojë këtë. Prandaj, po i luftoja djajtë me veten dhe këto thashetheme që e dija se nuk ishin të vërteta”, shpjegoi ai.
Discussion about this post