Mëngjesin e ditës së sotme, kryetari i Partisë Demokratike, Lulzim Basha, zhvilloi një takim kokë më kokë me ish-kryeministrin Sali Berisha. Por ky nuk ka qenë takimi i vetëm që ai ka zhvilluar.
Mësohet se ai ka thirrur në zyrën e tij në selinë blu kreun e grupit parlamentar të PD-së, Edi Paloka, dhe Sekretarin e Përgjithshëm, Arben Ristani, referuar “Politiko.al”. Në takim mendohet se po diskutohet situata aktuale ndërkohë që numërimi i votave po shkon drejt fundit.
Pritet që gjatë orëve në vijim, kryetari i PD-së të dalë në një deklaratë për mediat dhe pas tij pritet edhe një reagim i ish-kryeministrit Berisha.
(XH.A/SHUPLAKA)
