Prej disa ditësh Hjustoni po përballet me një nga fatkeqësitë më të mëdha natyrore që vendi ka njohur, ndërsa deri më tani janë shënuar 37 viktima.
Kësaj fatkeqësie nuk i kanë shpëtuar as shqiptarët që jetojnë atje, dhe as shqiptarët e Kosovës, po fatmirësisht pa dëme në njerëz.
Mirëpo në ditë të tilla është shumë e nevojshme që njerëzit më shumë se kurrë të jenë solidarë me njëri-tjetrin.
Shqiptarët përherë kanë treguar se dinë të jenë bujarë dhe të gjendshëm. Këto janë rastet e publikuara dhe nga ambasadorja e Kosovës në SHBA, Vlora Çitaku.
Ajo ka treguar historinë e disa emigrantëve kosovarë të cilët janë angazhuar vullnetarisht për të ndihmuar familjet e prekura nga përmbytjet.
Arti Dinaj është vetëm 14 vjeç dhe është lindur në Amerikë, mirëpo prindërit e tij kanë ardhur aty pas luftës së Kosovës. Ai shprehet se nuk ka si most ë ndihmojë njerëzit në Hjuston pasi të njëjtën gjë kanë bërë amerikanët vite më parë më prindërit e tij.
Mentor Fejzullahu është një tjetër shqiptar i Kosovës që prej disa ditësh jep kountributin e tij në ndihmë të njerëzve në nevojë. Histori të tilla padyshim që zgjojnë një ndjenjë krenarie për të gjithë ne.
(E.K/SHUPLAKA)
Discussion about this post