Çmimi i portokalleve në Tiranë brenda ditësh është rritur të paktën me 40-50 lekë, duke qenë se është një nga produktet më të kërkuara të këtyre ditëve të fundit.
Tregtarët shprehen se nuk është faji i tyre për rritjen e çmimeve, dhe se gjithçka vjen si pasojë e tregjeve të shumicës. Një prej tregtarëve që është intervistuar nga Fax Neës shprehet se shumë prej qytetarëve kanë bërë furnizim me shumicë disa ditë më parë, dhe këto ditë nuk ka shumë lëvizje.
“Limoni më bëri përshtypje, kishte shkuar 3 mijë lekë, më vjen keq për njerëzit që detyrohen të blejnë”, shprehet një qytetar.
Ndërkohë që një tjetër zonjë shprehet se kërkon nga Rama që të zbresë në terren dhe të shohë se kush abuzon.
“Ne nga halli e kemi do blejmë, portokallja ka qenë me 800 lekë, tani ka shkuar 1200, kështu jemi ne shqiptarët, abuzojmë me të gjitha”, shprehet qytetarja.
“Në fillim kur doli lajmi pati një blerje shumë të madhe, tani ka rënë puna”, thotë një prej qytetarëve, që ka maskuar dhe një portokalle, në mënyrë që klientët të sensibilizohen për vendosjen e masave mbrojtëse.
Discussion about this post