Deputeti i Partisë Socialiste, Gramoz Ruçi është kandidat për deputet në qarkun e Fierit, i nënti në listë. Si muaj fushate edhe ai ka nisur takimet me banorët e këtij qarku për të dëgjuar problemet dhe mendimet e tyre meqënëse edhe zgjedhjet e 25 qershorit janë afër, vetëm pak javë më pas.
Por një nga fshatrat ku është ndalur për të takuar banorët deputeti Ruçi ishte fshati i Zharrzës, tashmë i njohur nga të gjithë pas kauzës së fundit të tyre. Për javë të tëra banorët protestuan, madje edhe në qiell të hapur pasi shtëpitë e tyre janë shembur nga punimet e firmës naftënxjerrëse, “Bankers”.
Ende banorët e këtij fshati janë shumë të pakënaqur nga qeveria dhe Ruçin nuk e kanë pritur mirë kur ka vizituar këtë fshat.
“Jemi për shtëpitë, jo për partitë”, “Stop Ndotjes”, “Duam shtëpitë tona”, këto janë disa prej shkrimeve të pankartave që pritën dje Gramoz Ruçin në Zharrëz. Bashkë me to ishin edhe banorët që cilët nuk donin të flisnin dhe të komunikonin deputetin pasi janë shumë të indinjuar nga situata e fundit. Madje i kanë theksuar Ruçit se ka shkuar atje sepse tani janë afër votimet dhe kërkojnë votat e tyre.
Ruçi përpiqet t’i qetësojë banorët duke iu thënë se kauza e tyre është vërtetë, jetësore dhe shumë e rëndësishme. Madje në një moment banorët as nuk dëshironin që ta dëgjonin dhe e ndërprisinin teksa fliste deputetin.
“Keni ngritur një kauzë që nuk është politike por jetësore. E dyta me gjithë përpjekjet që bënë partitë politike, nuk u manipuluat dhe nuk u përdorët. Unë kam qenë i vetmi që nuk kam hyrë te ju dhe e kam bërë me vetëdije pasi jamë përpjkeur t;ju ndohmoj nga ana e qeverisë.”, është shprehur deputeti para banorëve.
Madje në një moment ai i hedh edhe dorën në qafë një banori dhe iu jep shpregime se çfarë do të ofrojë PS. Gjithesesi banorët janë shumë skeptikë nga ajo ç’ka dëgjuan nga deputeti, gjithçka duket shumë qartë edhe në këtë video. (J.V/Shuplaka)
Discussion about this post