‘’Ne nuk do vjedhim kaq hapur’’, ja për çfarë është i njohur i propozuari i Ramës për ministër Eduart Shalsi (VIDEO)

Eduart Shalsi është një nga ministrat e rinj të propozuar nga Rama ditën e sotme. Ai do të zëvendësojë ministrin tashmë të larguar të pushtetit vendor Bledi Çuçi.

Po kush është Eduart Shalsi?

Shalsi është deputet i qarkut të Beratit nga viti 2013 dhe po ashtu ka qenë nën drejtimin e komisionit parlamentar të veprimtarive prodhuese.

Po ashtu ai ka qenë një nga deputetët që e kanë mbështetur më fortë nismën për importin e plehrave në vendin tonë.

Po një nga shprehjet për të cilat do të mbahet mend prej të gjithëve Shalsi është një video në emisionin ‘’Top Story’’ pak para ardhjes në pushtet të qeverisë Rama ku thoshte se ‘’ne nuk do të vjedhim në mënyrë kaq flagrante sa këta’’ .

Duhet thënë se Shalsi do të qëndrojë pak muaj në krye të kësaj ministrie pasi zgjedhjet e qershorit janë shumë afër.

DEBATI NË VIDEO: 

Shalsi: Dhe një premtim që e bëjmë që tani, ne nuk do vjedhim në mënyrë flagrante sa këta.

Balla: Do vidhni më bukur.

Shalsi: Jo, jo, jo …(E.K/SHUPLAKA)