Në pak minuta grabiten dy pika karburanti në autostradën Tiranë-Durrës

Katër persona me maska dhe të armatosur kanë grabitur brenda pak minutave dy pika karburanti në autostradën Tiranë-Durrës.

Ngjarja ka ndodhur në orët e para të mëngjesit të sotëm.

“Në orët e para të ditës së sotme, rreth orës 02:00 në autostradën Tiranë-Durrës, pranë mbikalimit të Fllakës, 4 persona të maskuar dhe me armë, kanë marrë lekët e dy karburanteve në të dy krahët e autostradës”, thonë nga Policia.

Pasi kanë bërë grabitjet këta persona janë larguar me një makinë “Golf”, me ngjyrë të bardhë dhe pa targa.

Policia ka nisur hetimet për zbardhjen e dinamikës së grabitjes, identifikimit të autorëve dhe ndalimin e tyre. (A.R/SHUPLAKA)