“Në pazarin e Korçës 90% e dyqaneve janë të mbyllura, bashkia u kanë thënë të zotëve që do shisni ato që iu themi ne” (FOTO)

Pazari i Korçës është rikonstruktuar, duke iu rikthyer traditës së vjetër korçare edhe në arkitekturë. Nuk janë të pakta edhe lokalet që janë hapur në këtë pazar ku qytetarët mund të kalojnë mëngjeset apo edhe pasditet e tyre por edhe dyqanet në të. 

 Por Altin Goxhaj nga Korça tregon se në këtë pazar 90% e dyqaneve janë  të mbyllura. Sipas tij bashkia  nëpërmjet “Rilindjes Urbane” u kanë thënë të zotëve të dyqaneve që do shisni atë që iu thotë bashkia. 

 “Të gjitha dyqanet e mbyllura, 90% e dyqaneve të mbyllura. Ky është sheshi kryesor por të futesh në rugica janë 100% të mbyllura dhe e dini pse? Janë hapur vetëm kafet sepse bashkia  nëpërmjet “Rilindjes Urbane” u kanë thënë të zotëve të dyqaneve që do shisni atë që iu thotë bashkia, gjëra që nuk i blejnë njerëzit, për shembull u ka thënë do ketë 10 librari e të tjera”, shprehet Goxhaj. (J.V/Shuplaka)